सराजी तुड़का :- कुल्लू चलू सुंदर भाई रा रेला,ढालपुरे मशरूम उगाई ता जंगले चलाई ट्रेला

तुफान मेल न्यूज डेस्क

कुल्लू चलू भाइयो आसा रे CPS सुंदर ठाकुरा रा रेला। ढालपुरे री सेरी न मशरूम(केनोपी) ऊगाणे लाई ता जंगले दौड़ाई ट्रेला। चका भाइयों ऐवा दोहड़ु,मन्द्री,शेला,काईस धारा वे वेशिये जाणा ट्रेला। ढालपुरे री शाड़ी न दसमी लागणी,ता जंगले लागणा टूरिस्टा रा मेला।

ऐवा आसा वेशया जाणा ट्रेला,,,ऐला-कबेला। ट्रेला न वेशिये जंगला न आसा ठंडी बागरा संघे काठु,कोदरा ता छली री रोटी खाणी,संघे पीणा भाइयो शोभला जायरु पाणी। ये सा भाइयो शोभले म्हणू री शोभली कहाणी। सुंदर भाईये सदा वे देई डाही तुसा वे ट्रेला री शोभली निशाणी। भाई रा रेला,ढालपुरे मशरूम उगाई ता जंगले चलाई ट्रेला। कुल्लू चलू भाइयो आसा रे CPS सुंदर ठाकुरा रा रेला। तुसे लोड़ी आए दशमी वे,वेशे तेबा ट्रेला,ए सा भाइयो सुंदर ठाकुरा रा रेला। ढालपुरे री सेरी न मशरूम उगणे ता जंगले चली ट्रेला। थारो आपणो धनेश गौतम